हिमायतनगर दि.२६: आज प्रजासत्ताक दिनाचे औचित्य साधत व हदगाव-हिमायतनगर विधानसभा मतदार संघाचे लोकनेते आदरणीय माधवरावजी पाटील जवळगावकर साहेब यांच्या वाढदिवसानिमित्त हिमायतनगर शहरातील “आदिवासी विद्यार्थी वस्तीगृह” येथे गरीब व होतकरु विद्यार्थ्यांना तालुका काँग्रेस कमिटी अनुसुचित जाती विभागाच्या वतीने शालेय साहित्य वितरीत करण्यात आले.
साहेबांनी राजकारणाच्या आधी समाजकारण करण्याची जी शिकवण आम्हा कार्यकर्त्यांना दिली ती शिकवण जोपासत आम्ही सामाजिक बांधिलकी जपणारा उपक्रम राबवत साहेबांचा जन्मदिवस साजरा केला. याचा आम्हाला मनस्वी आनंद आहे.अशी प्रतिक्रिया तालुका काँग्रेस कमिटी अनुसुचित जाती विभागाचे तालुकाध्यक्ष, श्री.संतोष आंबेकर यांनी यावेळी दिली. तसेच प्रजासत्ताक दिनानिमित्ताने त्यांनी विद्यार्थ्यांशी संवाद साधला.
यावेळी वस्तीगृह अधिक्षक, श्री.राघो रामा गाडेकर, सोसायटी संचालक,शिवाजी कदम,मारोती खुपसे यांची उपस्थिती होती. तर या कार्यक्रमास विद्यार्थ्यांनी उस्फुर्त प्रतिसाद दिला.
#सत्यप्रभा न्युज #नांदेड