आंतर विभागीय बॅडमिंटन स्पर्धेत उदयगिरीच्या खेळाडूंना विजेतेपद

विजय पाटील लातुर प्रतिनिधी दि.१२:  स्वामी रामानंद तीर्थ मराठवाडा विद्यापीठ, नांदेड अंतर्गत स्वामी विवेकानंद महाविद्यालय शिरूर ताजबंद येथे आंतर विभागीय बॅडमिंटन (पुरुष व महिला) स्पर्धा संपन्न झाल्या. या स्पर्धेत महाविद्यालयाच्या खेळाडूंनी ‘ब’ विभागाचे प्रतिनिधित्व करून, विद्यापीठातून सर्व प्रथम क्रमांक (विजेतेपद) पटकाविला आहे. विजेत्या संघामध्ये गौरव पांचाळ, अंकित जाधव, विशाल जाधव तर महिला संघामध्ये सुषमा स्वामी या खेळाडूंचा समावेश होता. विजयी खेळाडूंना क्रीडा संचालक प्रा. सतिश मुंढे, प्रा. रोहन येनाडले यांनी मार्गदर्शन केले. त्याबद्दल महाराष्ट्र एज्युकेशन सोसायटीचे अध्यक्ष मल्लिकार्जुन मानकरी, उपाध्यक्ष डॉ.रेखा रेड्डी, सचिव रामचंद्र तिरुके, सहसचिव अ‍ॅड.एस.टी.पाटील चिघळीकर आणि डॉ.रामप्रसाद लखोटिया, कोषाध्यक्ष भालचंद्र चाकूरकर तसेच सर्व संस्था सदस्य, प्राचार्य डॉ.आर.के.मस्के, उपप्राचार्य डॉ.एस.जी.पाटील आणि सर्व शिक्षक व शिक्षकेतर कर्मचारी यांनी अभिनंदन केले आहे.
#सत्यप्रभा न्यूज #लातूर #नांदेड