नांदेड दि.११ : जागतिक पर्यावरण दिनाचे औचित्य साधुन नांदेड वाघाळा शहर महानगरपालिका, वृक्षमित्र फाऊंडेशन व गुरुव्दारा लंगर साहेब यांच्यासह इतर २५ सामाजिक संस्थांच्या सहभागातून नांदेड शहरात हरित नांदेड अभियानाची सुरुवात करण्यात आली होती. याच अभियानाचा पुढील टप्पा म्हणुन दिनांक १०.०७.२०२४ रोजी मनपा अति-आयुक्त श्री गिरीष कदम यांच्या हस्ते लातुर फाटा ते वसंतराव नाईक काँलेज रोड सिडको परिसरात प्रातिनिधिक स्वरुपात वृक्षांची लागवड करण्यात आली.
आज हरित नांदेड अभियानांतर्गत लातुर फाटा ते वसंतराव नाईक काँलेज रोड सिडको रोडवर अत्याधुनिक ट्री गार्डसह १२० वृक्षांची लागवड करण्यात आली. सदर अत्याधुनिक ट्री गार्ड सेल्फ वॉटरिंग पद्धतीचे असून यामध्ये १५ लिटर पाणी साठवण क्षमता आहे. यामुळे वृक्ष १००% जगणार आहेत तसेच या ट्री गार्ड मध्ये नऊ फुटाचे झाड लावण्यात आले असून दोन वर्षात हे झाड मोठे होणार आहे. वृक्ष लागवडीची सुरुवात मनपा अति-आयुक्त गिरीष कदम यांच्या हस्ते करण्यात आली.
याप्रसंगी अतिरिक्त आयुक्त गिरीश कदम यांच्यासह सहाय्यक आयुक्त संभाजी कास्टेवाड, कार्यकारी अभियता शिवाजी बाबरे,उद्यान अधिक्षक मिर्झा बेग,उपअभियंता अरुण शिंदे,कार्यालय अधिक्षक विलास गजभारे,किशन वाघमारे,अर्जुन बागडे,वसुली पर्यवेक्षक नागापुरकर,मारोती सारंग,मालु एनफळे,पठाडे,नथुराम चवरे,आंबटवाड,अर्चना जोंधळे,मिना अडबलवार व इतर क्षेत्रिय कार्यालयातील कर्मचारी तसेच सामाजिक संस्थांचे पदाधिकारी, वृक्षमित्र मोहनराव पाटील घोगरे,ग्यानोबा जिरनाळे,एमजी गोंड,सुभाष शेटे,नामदेव पांचाळ,तेलंग मामा,रेणुका बाई,मायाबाई जाधव, विष्णुकांत तिडके,गिरी महाराज, निसर्गप्रेमींनी नागरीकाची उपस्थिती होती. कार्यक्रमाचे प्रास्ताविक व सूत्रसंचालन वृक्षमित्र फाऊंडेशनचे संतोष मुगटकर यांनी केले तर आभार प्रदर्शन प्रकाश झडते वृक्षमित्र यांनी केले.
#सत्यप्रभा न्युज #नांदेड