हिमायतनगर येथील ग्रामीण रुग्णालयात 7 विद्यार्थ्यांनिवर उपचार सुरू
स्थानिक पोलीस निरीक्षकांनी घटना स्थळी व ग्रामीण रुग्णालयात जाऊन केली पाहणी.
हिमायतनगर प्रतिनिधी दि.१५: तालुक्यातील दुधड- वाळकेवाडी येथील शासकीय आदिवासी आश्रम शाळेत शिक्षण घेणाऱ्या विद्यार्थ्यानींना दुषित पाणी प्यायल्यामुळे हिवताप, सर्दी, खोकला व पोटदुखी यासह अनेक आजाराची लागण झाली आहे यातील सात विद्याथ्यानींना अधिकचा त्रास होवु लागला असल्याने त्यांना उपचारांसाठी हिमायतनगर येथील ग्रामीण रुग्णालयात रविवारी सायंकाळी 4 वाजता दाखल करण्यात आले आहे. हा प्रकार गेल्या दोन तीन दिवसापासून सुरु असताना देखील संबंधित आश्रम शाळेच्या अधीक्षक, मुख्याध्यापकानी याकडे लक्ष देत नसल्याने आज या विद्यार्थिनींना हिमायतनगर येथील ग्रामीण रुग्णालयात उपचारासाठी दाखल करण्यात आल्याचे विद्यार्थ्यांच्या नातेवाईकांनी सांगितले आहे.ह्याची सविस्तर माहिती हिमायतनगर पोलीस स्टेशनचे पोलीस निरीक्षक अमोल भगत , डी. एस.बी.कुलकर्णी यांनी घटनास्थळी जाऊन घेतली
या बाबत सविस्तर वृत्त असे की तालुक्यातील दुधड- वाळकेवाडी येथे निवासी शासकीय आदिवासी आश्रम शाळा आहे. या शाळेत शिक्षण घेणाऱ्या विद्यार्थिनी गेल्या काही दिवसांपासून आजारी अवस्थेत आहेत. दि.१४ जुलै रोजी कु. दुर्गा शिवाजी वागतकर वय १४ वर्ष, कु. सोनी माधव धनवे वय १५ वर्ष, कु. प्रियंका माधव माझळकर वय १३ वर्ष, कु. गायत्री रजनीकांत चव्हाण वय १५ वर्ष, कु. अंकिता काशिनाथ झाडे वय १४ वर्ष, कु. आरती भारत झाडे वय १६ वर्ष या सहा विद्यार्थिनींना अधिक प्रमाणात अस्वस्थता जाणवत असल्याने त्यांना पुढील उपचारासाठी शहरातील ग्रामीण रुग्णालयात उपचारार्थ दाखल करण्यात आले आहे त्यांच्यावर प्राथमिक उपचार सुरू असल्याचे वैद्यकीय अधिकारी यांनी आमच्या प्रतिनिधीशी बोलताना सांगितले ह्याची माहिती हिमायतनगर पोलीस स्टेशनचे पोलीस निरीक्षक अमोल भगत, डी. एस.बी.कुलकर्णी यांनी घेतली पण या दूषित पाण्याचे विल्हेवाट स्थानिक प्रशासन कशी लावणार याकडे मात्र सर्व गावकरी व पालक वर्गांचे लक्ष लागले आहे.
#सत्यप्रभा न्युज #नांदेड
![](https://www.satyaprabhanews.com/wp-content/uploads/2024/07/IMG-20240715-WA0018-1024x768.jpg)