दोघांकडून धारदार शस्‍त्रे जप्त; चाकू-तलवारी घेऊन वावरण्याचा उद्देश काय

विजय पाटील
छत्रपती संभाजीनगर दि २२ : दोघांना पकडून पोलिसांनी चाकू आणि तलवार जप्त केली आहे. ही कारवाई सोमवारी (२१ ऑक्‍टोबर) रात्री रेल्वेस्टेशन रोडवरील अशोका हॉटेलच्या बाजूला आणि पैठण गेट- सिल्लेखाना रोडवरील कब्रस्तान भिंतीजवळ करण्यात आली.
आवेज असलम कुरेशी (वय २५, रा. सिल्लेखाना सिग्नल चौकाजवळ), शेख अनिस शेख लालमिया (वय ४८, रा. सिरसदेवी, ता. गेवराई जि. बीड) अशी पकडण्यात आलेल्यांची नावे आहेत. पोलिसांनी त्‍यांच्याकडील चाकू आणि तलवार जप्त केली आहे. आवेज कुरेशी हा धारदार चाकू घेऊन पैठण गेट- सिल्लेखाना रोडवरील कब्रस्तान भिंतीजवळ फिरत होता. खबऱ्याने कळवताच क्रांती चौक पोलिसांनी त्‍याच्याकडे धाव घेऊन झडप घातली. त्‍याच्याकडील ३१ सें.मी. लांबीचा भलामोठा चाकू रेक्झीन कव्हरसह जप्त केला. ही कारवाई पोलीस भावसिंग चव्हाण, अंमलदार मुदिराज, सूर्यवंशी, इरफान खान यांनी केली. तपास पोलीस निरीक्षक सुनील माने करत आहेत.
शेख अनिस हा अशोक हॉटेलच्या बाजूला पाठीवर शर्टच्या आतून तलवार घेऊन फिरत होता. खबऱ्याचे कळवताच वेदांतनगर पोलिसांनी सापळा रचून त्‍याला ताब्‍यात घेतले. त्‍याच्या ताब्‍यातून ३ फुटांची तलवार जप्त केली. ही कारवाई पोलीस उपनिरीक्षक मोरे, अंमलदार चौरे, गायकवाड, रंजूसिंग सुलाने यांनी केली. या घटनेचा तपास तपास बालाराम चौरे करत आहेत.
#सत्यप्रभा न्यूज # छत्रपती संभाजी नगर