![](https://www.satyaprabhanews.com/wp-content/uploads/2024/07/IMG-20240725-WA0053-1024x576.jpg)
हिमायतनगर प्रतिनिधी नागेश शिंदे/-
मराठा समाजाला राज्य शासनाकडून वाटप केलेले ओबीसी प्रमाणपत्र तात्काळ रद्द करावेत या प्रमुख मागणीसह सकल ओबीसी समाजाच्या विविध आरक्षण विषयक – मागणीसाठी दत्तात्रय अंनतवार यांनी हदगाव तालुक्यातील कवाना येथे गेल्या पाच दिवसांपासून अमरण उपोषणाला बसले आहेत त्या
उपोषणाच्या पाचव्या दिवशी जील्हासह हिमायतनगर तालुक्यातील ओबीसी समाज बांधवानी भेट देऊन जाहीर पाठींबा दिला त्यामुळे हे आंदोलन अजून तीव्र होणार असल्याच्या भावना ओ.बी.सी.बांधवांनी व्यक्त केल्या.
![](https://www.satyaprabhanews.com/wp-content/uploads/2024/07/IMG-20240725-WA0055-1024x608.jpg)
या बाबत सविस्तर वृत्त असे की मराठा समाजाला राज्य शासनाकडून वाटप केलेले ओबीसी प्रमाणपत्र तात्काळ रद्द करावे या उपोषणाची दखल नाही घेतल्यास 27 जुलै रोजी हदगाव शहरामध्ये संपूर्ण ओबीसी बांधवाकडून रास्ता रोको करण्यात येणार आहे. आज दि 25 जुलै रोजी अनंतवार यांच्या कवाणा येथील उपोषणास ओबीसी नेते प्राध्यापक कैलास राठोड यांनी भेट दिली व त्यांच्या आंदोलनाला जाहीर पाठिंबा दिला व तालुक्यातील व जिल्ह्यातील असंख्य ओबीसी नेते दररोज ह्या उपोषणास भेट देत असल्यामुळे हे उपोषण आणखीन तीव्र होण्याची शक्यता आहे तरी राज्य शासनाने वेळीच ह्याची दखल घेऊन ओबीसी समाजाच्या मागण्या तात्काळ मान्य कराव्या अशी मागणी ओबीसी वर्गातून होत आहे अनिता यापेक्षा तीव्र आंदोलन करू असा इशारा उपस्थित ओबीसी समाज बांधवांनी दिला आहे…
यावेळी ओबीसी संघटनेचे जिल्हाध्यक्ष बालाजी खरडे, प्रा.कैलास राठोड,राजेश फुलारे,सावता परिषदेचे जिल्हा कार्यकारणीचे शाम ढगे, रमेशराव घंटलवार,हदगाव ओ. बी.सी.तालुका अध्यक्ष नाना गुडेटवार ,हिमायतनगर अध्यक्ष बाबाराव जरगेवाड,राम पाकलवार,संतोष सातव,रवी जोनापल्ले,सुधाकर चिठ्ठेवार सह आदी जन यावेळी मोठ्या संख्येने उपस्थित होते…
![](https://www.satyaprabhanews.com/wp-content/uploads/2024/07/IMG-20240725-WA0054-1024x576.jpg)
⬛चौकट
गेल्या पाच दिवसापासून अनंतवार ओबीसी बांधवांचे प्रश्न घेऊन आमरण उपोषणास बसले आहेत त्यांची अद्याप राज्य सरकारने दखल घेतली नाही त्वरित ओबीसी बांधवांची दखल घ्यावी अन्यथा यानंतर तीव्र आंदोलन छेडण्यात येईल
ओबीसी नेते
प्रा. कैलास राठोड