जिल्हाधिकारी कार्यालयावर मोर्चा
नांदेड दि.१२: मातंग समाजाला स्वतंत्र आरक्षण मिळावे या मागणीसाठी लोकस्वराज्य आंदोलनाच्यावतीने व सकल मातंग समाजाच्या वतीने १२ जुलै रोजी महात्मा फुले पुतळ्यासमोर अर्धा तास अर्धनग्न आंदोलन करून जिल्हाधिकारी कार्यालयापर्यंत मोर्चा काढण्यात आला. यात मोठ्या संख्येने समाज बांधव सहभागी झाले होते. मातंग समाजाला स्वतंत्र आरक्षण मिळावे, त्यांना कुठल्याही शैक्षणिक योजनांचा लाभ मिळत नाहीत, गायरान, बन जमिनी कास्तकारांच्या नावे करण्यात याव्यात, मातंग समाजाच्या स्मशानभूमीवर झालेले अतिक्रमण हटवावे, राज्यात मागासवर्गीयांवर अन्याय होत असल्याच्या घटनांत होणारी वाढ चिंताजनक असल्याचे निवेदनात म्हटले आहे. यातील मुख्य मागणी समाजाला स्वतंत्र आरक्षणाची आहे. या मागणीसाठी प्रा. रामचंद्र भराडे यांनी १ जुलैपासून जिल्हाधीकारी कार्यालयासमोर उपोषणाला बसले आहेत. आज दहा दिवसापेक्षा जास्त कालावधी लोटल्यामुळे त्यांची तव्येत खालावली आहे. यावावत शासनाने त्वरीत निर्णय घ्यावा अशी मागणी करीत जोरदार घोषणावाजी मातंग समाजातील कार्यकर्त्यांनी केली. यावेळी मनीषा थिजवदे, संतोष तेलंग, सचिन वाघमारे यांनी आपले मनोगत व्यक्त केले. सदरील उपोषणाला जाहीर समर्थनार्थ पाठिंवा दर्शवित वंचित घटकांना स्वतंत्र अ व क ड आरक्षण वर्गीकरणाचा निर्णय राज्य सरकारने तातडीने घ्यावा, यासाठी हे आंदोलन करण्यात आले. विविध मागण्या मान्य करण्यात याव्या या उपोपणादरम्यान मातंग समाजाची मागणी लहुजी साळवे आयोगाची तात्काळ अंमलबजावणी करणे अन्य आंदोलन तीव्र करण्याचा इशाराही देण्यात आला आहे.
#सत्यप्रभा न्युज #नांदेड
![](https://www.satyaprabhanews.com/wp-content/uploads/2024/07/IMG_20240712_175101.jpg)