एकाने डोक्यात कवचा घातला, दुसऱ्याने डोळ्यात मिरची पूड टाकली  छत्रपती संभाजीनगर शिवशंकर कॉलनीतील घटना

छत्रपती संभाजी नगर प्रतिनिधी विजय पाटील दि १२ : पैशाच्या देवाण घेवाणीच्या वादातून एकाने डोक्यात कवचा घातला तर दुसर्याने डोळ्यात मिरची पूड टाकली. रात्री ९.३० वाजेच्या सुमारास शिवशंकर कॉलनी, छत्रपती संभाजीनगरमध्ये ही घटना घडली.
मच्छिंद्र संसारे (३७, सातारा परिसर, छत्रपती संभाजीनगर) असे जखमीचे नाव आहे. राहुल पुरे, विशाल पुरे व अजय पुरे अशी आरोपींची नावे आहेत. याप्रकरणी पोलिसांकडून मिळालेल्या माहितीनुसार, यातील फिर्यादी व आरोपी हे ऐकमेकांच्या ओळखीचे असून दि. ६ जानेवारी २०२४ रोजी आरोपी राहुल पुरे याने फिर्यादीस फोन करून कळविले की, तुझे तीन लाख रुपये परत करावयाचे आहे. तू घरी येवून घेवून जा. असे सांगितल्याने फिर्यादी मच्छिंद्र संसारे त्यांच्या वाहन क्र. महा ४ ईक्स ०१८७ मधून त्यांच्या मित्रांसह शिवशंकर कॉलनी येथे पोहोचले.
तेथे आरोपी अजय पुरे याने दुकानातील कवचा (उलथणी) फिर्यादी मच्छिंद्र संसारेच्या डोक्यावरील बाजुस व मागील बाजुस गंभीर जखम केली व आरोपी विशाल पुरे याने दुकानातील मिरची पुड घेवून डोळ्यात टाकली व लाकडी दांड्याने मारून जखमी केले. तिन्ही आरोपींनी फिर्यादी मच्छिंद्र संसारे यास शिवीगाळ करुन त्यांच्या गळ्यातील १० ग्रॅम मोन्याची चैन व हातातील 5 ग्रॅम सोन्याची अंगठी काढून घेतल्याचा जवाब मच्छिंद्र संसारे यांनी पोलिसांना दिला आहे. यावरून जवाहरनगर पोलिस स्टेशनमध्ये गुन्हा दाखल करण्यात आला असून पुढील तपास श्रेणी पोउपनि बनकर करीत आहेत.
#सत्यप्रभा न्यूज # औरंगाबाद #नांदेड