हिमायतनगर ता.प्र नांगेश शिंदे दि.२३: नांदेड जिल्ह्याचे भारतीय जनता पार्टीचे नेते खा. अशोकराव चव्हाण यांनी पुढाकार घेत जिल्हाधिकारी अभिजीत राऊत यांची भेट घेऊन जिल्ह्यातील सर्व शेतकऱ्यांच्या व्यथा मांडून ज्यांना ज्यांना पीक विमा भरपाई न मिळालेल्या सर्वच शेतकऱ्यांनी ३ सप्टेंबरपर्यंत तालुका कृषि अधिकाऱ्यांकडे व कृषी सहाय्यक यांच्या कडे आपल्या तक्रारी कराव्यात असे आवाहन जिल्हाधिकाऱ्यांनी सांगितल्या प्रमाणे त्याचे पालन करून हिमायतनगर तालुक्यातील शेतकऱ्यांनी आपली तक्रार कृषी कार्यालय किंव्हा कृषी सहाय्यक व कृषी कार्यालयाने नेमलेला कर्मचारी यांच्याकडे नोंदवा असे आव्हान भाजपा तालुका अध्यक्ष गजानन चायल यांनी केले
या बाबत सविस्तर वृत्त असे की वर्ष २०२३ च्या खरीप हंगामात नांदेड जिल्ह्यातील ८ लाख १९ हजार ५९० शेतकऱ्यांनी सोयाबीन पिकासाठी विमा काढला होता. गतवर्षीच्या जुलै व सप्टेंबर महिन्यात अतिवृष्टी होऊन नुकसान झाल्याने शेतकऱ्यांनी २ लाख ५० हजार २० दावे विमा कंपनीकडे दाखल केले होते. त्यापैकी १ लाख ९७ हजार २९९ दावे मान्य करून १५४.६७ कोटी रुपयांची भरपाई मंजूर करण्यात आली होती. तत्पूर्वी जुलैतील नुकसाना नंतर उत्पन्नात ५० टक्क्यांपेक्षा अधिक घट होईल हे विचारात घेऊन विमा दाव्याच्या २५ टक्के रक्कम आगाऊ देण्याच्या निर्णयानुसार २९६.३६ कोटी रुपयांची रक्कम मंजूर होऊन त्यापैकी २९२.५९ कोटी रुपयांचे वितरणही केले. दरम्यानच्या काळात जिल्ह्यातील अनेक शेतकऱ्यांनी पीक विमा न मिळाल्याच्या किंवा कमी भरपाई मिळाल्याच्या तक्रारी हिमायतनगर येथील भारतीय जनता पार्टीचे तालुका अध्यक्ष गजानन चायल यांच्या कडे केल्या नंतर त्यांनी भाजपा नेते खा. अशोकराव चव्हाण यांच्याकडे केल्या होत्या अलिकडेच झालेल्या भारतीय जनता पक्षाच्या अनेक बैठकींमध्येही पदाधिकारी व कार्यकर्त्यांनी पीक विम्यासंदर्भात शेतकऱ्यांची व्यथा मांडली होती. त्याअनुषंगाने खा. चव्हाण यांनी गुरुवारी सकाळी जिल्हाधिकारी अभिजीत राऊत यांची भेट घेऊन या महत्वाच्या प्रश्नाबाबत विचारविनिमय केला. बैठकीअंती जिल्हाधिकाऱ्यांनी पुढील १० दिवसांत म्हणजे ३ सप्टेंबरपर्यंत यादी मध्ये नाव असलेल्या सर्वच शेतकऱ्यांनी तालुका कृषि अधिकाऱ्यांकडे किंव्हा कृषी सहाय्यका कडे आपली तक्रारी नोंदवावी असे आवाहन केले त्यानुसार हिमायतनगर तालुक्यातील शेतकऱ्यांनी सुद्धा ३ सप्टेंबरपर्यंत हिमायतनगर येथील तालुका कृषि अधिकारी कार्यालयाकडे आपली तक्रारी करावी असे आव्हान हिमायतनगर भारतीय जनता पार्टीचे तालुका अध्यक्ष गजानन चायल यांनी केले आहे.
#सत्यप्रभा न्युज #नांदेड
