👉🏻हिंगोली लोकसभा मतदारसंघातील दोन मराठा योध्यांचा त्यात समावेश…
हिमायतनगर प्रतिनिधी /-मराठा समाजाचा लढा हा मागील कित्येक वर्षापासून चालू आहे, मराठा समाजाला आरक्षण मिळावं यासाठी आदरणीय जरांगे पाटील यांनी संपूर्ण महाराष्ट्र जागवला आहे आणि आज प्रत्येक तरुणाच्या व मराठ्यांच्या मनामध्ये आम्हा मराठ्यांना लवकरात लवकर आरक्षण मिळावं यासाठी देशपातळीवर प्रयत्न सुरू आहेत. मराठा समाजाला आरक्षण मिळणं हे क्रम प्राप्त असलं तरी मराठा तरुणांमध्ये याबाबतीत खूप मोठ्या प्रमाणात निराशा आलेली आहे आणि दुर्दैवी बाब अशी की ह्या निराशातून बरेच मराठा तरुण आज आत्महत्येचा मार्ग स्वीकारत आहेत अशाच काही घटना नांदेड जिल्ह्यात सुद्धा घडलेल्या आहेत हिंगोली लोकसभेतील हदगाव विधानसभेतील कामारी येथील सुदर्शन देवराये व शुभम पवार वडगाव ता हदगांव येथील तरुणांनी मराठा आरक्षणा साठी आत्महत्या केली व तसेच नायगाव तालुक्यातील रा. वडगांव येथील ओंकार बावणे ह्या तिन्ही तरुणांनी नैराश्यातून आत्महत्या केली होती त्यांना तात्काळ शासनाकडून मदत मिळावी म्हणून दि 26 ऑक्टोंबर रोजी कामारी येथील देवराये कुटुंबाला सोबत घेऊन डॉ. श्रीकांत पाटील यांनी नांदेड जिल्ह्याचे जिल्हाधिकारी अभिजीत राऊत साहेब यांची भेट घेऊन त्यांना तात्काळ मदत मिळाली ह्यासाठी महाराष्ट्राचे मुख्यमंत्री यांच्याशी त्यांनी संपर्क केला व देवराये यांच्या मुलीचे शैक्षणिक पालकत्व स्वतः हा स्वीकारून तिला डॉक्टर करण्याचे स्प्न पूर्ण करून देणार असे वचन दिले तसेच त्यांच्या पत्नीला आजीवन 10 हजार रुपये प्रत्येक महिन्याला ओवाळणीच्या स्वरूपात देण्याची सुरवात केली
नांदेड जिल्ह्यातील या तिन्ही कुटुंबाची परिस्थिती खूप हालाखीची आहे त्यात दोन नवविवाहित तरुणांनी आत्महत्या केल्यामुळे घरात चिमुकली मुलं, वृद्ध आई वडील व पत्नी खूप निराधार झाले आहेत अशा कुटुंबाला तात्काळ मदत करण्यासाठी हिंगोली लोकसभेचे डॉक्टर श्रीकांत पाटील व डॉक्टर रिता पाटील यांनी 26 ऑक्टोबर 2023 रोजी 3.30 वा नांदेड कलेक्टर अभिजित राऊत यांच्याबरोबर बैठक घेऊन मराठा आरक्षणासाठी शहीद झालेल्या कुटुंबांना लवकरात लवकर मदत करण्याचे आदेश दिले व श्रीकांत पाटील यांनी मुख्यमंत्री कार्यालय व देवेंद्र फडणवीस साहेब यांच्याशी फोन द्वारे चर्चा करून या कुटुंबाला तात्काळ मदत करण्याची विनंती केली होती व अवघ्या 24 तासाच्या आत सरकारकडूनं नांदेड जिल्ह्यातील तिघांना प्रत्येकी 10 -10 लाख असे 30 लाख रुपये वजीराबाद नांदेड येथील स्टेट बँक ऑफ इंडिया शाखेत जमा झाले असे पत्र माननीय जिल्हाधिकारी नांदेड यांना प्राप्त झालेले आहे त्यात प्रत्येकी 10 लाख असे तीनही शहीद कुटुंबातील तरुणांच्या कायदेशीर वारसासदाराच्या अकाउंट मध्ये लवकरच ती रक्कम जमा होईल असे डॉक्टर श्रीकांत पाटील यांनी आमच्या प्रतिनिधीशी बोलताना सांगितले
⬛ मराठा तरुणांसाठी रोजगार निर्माण व नव उद्योजक तयार करण्याचा त्यांचा मानस आहे
तरुणांनी नैराश्याच्या छायेत न जाता नवीन कौशल्य व रोजगार निर्माणाची वाट धरावी व त्यासाठी मी सदैव प्रयत्न करीन असे डॉक्टर श्रीकांत पाटील यांनी सर्व समाजातील तरुणांना आव्हाहन केले आहे व याप्रसंगी डॉ.पाटील यांनी आदरणीय मुख्यमंत्री श्री एकनाथ शिंदे जी व आदरणीय उपमुख्यमंत्री देवेंद्र फडणवीसजी यांचे आभार मानले.
