धर्माबाद
ता.प्र.दत्तात्रय सज्जन दि.३०:नायगाव विधानसभा मतदार संघातील तीनही तालुक्यात आमदार राजेश पवार यांना येणाऱ्या निवडणुकीत शह देण्यासाठी सर्वच पक्ष व अंतर्गत विरोधक सरसावले असून त्या सर्वच विरोधकांवर मात करण्यासाठी आमदार राजेश पवार यांचा विद्युत गतीने व निस्वार्थीपणाने सर्व जाती धर्माचा विकास हे एकच शस्त्र अस्त्र पुरेसे असले तरी आगामी विधानसभा निवडणूक आचारसंहिता कधीही लागण्याची शक्यता आहे. त्याकरिता ठेवेदावे विसरून धर्माबाद शहरातील बुथ प्रमुखांनी सज्ज राहावे असे आवाहन भारतीय जनता पक्षाचे शहराध्यक्ष रमेश आण्णा गौड यांनी आमदार राजेश पवार यांच्या संपर्क कार्यालयात केले.
आगामी निवडणुकीच्या पार्श्वभूमीवर भाजपा ॲलर्ट मोडवर आली असून शहरांतर्गत २८ बूथ प्रमुखांची आज शहराध्यक्ष रमेश आण्णा गौड यांनी तातडीची मीटिंग घेऊन एकमेकांच्या समस्या जाणून घेत त्यावर उपाययोजना सुचवत उपरोक्त आवाहन केले.
यावेळी बूथ प्रमुख शंकर तुनकेवार, गिरीधर बुंदेले, सज्जन गड्डोड, यादव डाकोरे,नानकसिंग धिल्लो, अजित पिंजारी, तुकाराम पाटील महागवळी, अमित मुंदडा, विजय राठौर,अनिल बेंडके, साईनाथ बोईनवाड, गंगाप्रसाद गोस्कुलवाड,व्यंकटेश बोनकुलवार, विश्वनाथ आडेराव, सतीश मोटकूल,चंद्रकांत वरगंटी, लक्ष्मीबाई बंडूवाड, साईनाथ शिरपुरे ,लखन सौडलो, लक्ष्मण उरेकर आदी शहरातील बूथ प्रमुख उपस्थित होते. कार्यक्रम यशस्वी करण्यासाठी कैलाश राऊलवार यांनी प्रयत्न केले.
#सत्यप्रभा न्यूज #नांदेड
