👉🏻श्री.कालींका माता मंदिर कमिटी कडून नऊ दिवस विविध कार्यक्रम व भव्य महाप्रसादचे आयोजन….
हिमायतनगर प्रतिनिधी/- दरवर्षी प्रमाणे याहीवर्षी हिमायतनगर शहरातील कुलस्वामिनी म्हणून प्रसिद्ध असलेल्या नवसाला पावणाऱ्या माता कालिंका देवी मंदिरात अश्विन शुद्ध प्रतिपदा घटस्थापनेच्या शुभमुहूर्तावर हदगाव हिमायतनगर तालुक्याचे लोकप्रिय आमदार माधवराव पाटील जवळगावकर यांच्या प्रमुख उपस्थितीत सकाळी ११ वाजता पूजेचे मानकरी यांच्या हस्ते व पुरोहित साई महाराज बडवे यांच्या मधुर वाणीतून कालिंका मातेचा अभिषेक व अलंकार सोहळा थाटात संपन्न झाला. यावेळी प्रमुख मान्यवर व भाविक भक्तांच्या उपस्थितीत देवीची महाआरती करून प्रसादाचे वाटप झाले, आगामीं नऊ दिवस मंदिरात नवरात्रोत्सवाचे विविध कार्यक्रम संपन्न होणार असल्याचे मंदिर कमिटीने सांगितले….
याबाबत सविस्तर वृत्त असे की दरवर्षी प्रमाणे याही वर्षी शारदीय नवरात्रोत्सवात शहरातील श्री कालिंका देवी माता मंदिर येथे हदगाव हिमायतनगर तालुक्याचे विद्यमान आमदार माधवराव पाटील जवळगावकर यांच्या प्रमुख उपस्थितीत कालिंका मातेचे महाआरती व अलंकार सोहळा होतो त्यानंतर नित्य नेमाने दररोज सकाळी आणि रात्री महाआरती केली जाणार आहे. दि.०३ ऑक्टोबर रोज गुरुवार ते दि.०९ ऑक्टोबर रोज बुधवार पर्यंत दररोज दुपारी ०१ ते ७ या वेळेत संगीतमय देवी भागवत कथा ह.भ.प. नारायण महाराज सोनखेडकर यांच्या मधुर वाणीत होणार आहे. दररोज आरतीनंतर सायंकाळी 7 ते 9 या वेळेत कालिंका देवी नवरात्रोत्सव समितीच्या वतीने आरती ला येणाऱ्या भाविक भक्तांना भव्य असे महाप्रसादाचे आयोजन करण्यात येणार आहे ह्याचा शहरातील भाविक भक्तांनी लाभ घ्यावा असे आव्हान मंदिर कमिटी कडून करण्यात आले आहे श्री कालिंका माता देवी मंदिर येथे देवी भागवत कथेचा समारोप शेवटच्या दिवशी आणि काल्याचे कीर्तन हे भव्य महाप्रसादाने होणार आहे दि.११ रोजी कालिंका देवीला प्रसन्न करण्यासाठी सकाळी ११ ते ०४ वाजेच्या दरम्यान महानवमी, होमहवन, महाआरती व पूर्णाहुती कार्यक्रम होणार आहे. दररोज सप्तसिद्धी पाठाचे वाचन सकाळी ९ ते १२ वाजेच्या दरम्यान पुरोहित कांतागुरु वाळके हे करतील. दि.१२ ऑक्टोबर रोज शनिवारी दुपारी ०४ वाजेच्या दरम्यान माता कालिंका देवी मंदिरापासून ढोल तश्याच्या गजरात भव्य अशी दसरा मिरवणूक काढून, परत कालिंका मंदिरात आल्यानंतर तिचा समारोप केला जाणार आहे. या शारदीय नवरात्रोत्सवातील धार्मिक कार्यक्रमाचा शहरा सह तालुक्यातील भाविक भक्तांनी लाभ घ्यावा असे आवाहन कमेटीचे अध्यक्ष – राजेंद्र रामदिनवार, उपाध्यक्ष – दिलीप पार्डीकर, सचिव – संजय मारावार, सहसचिव – गजानन तीप्पणवार, कोषाध्यक्ष – ज्ञानेश्वर पंदलवाड, शरद चायल ,राजू जैस्वाल सह सर्व विश्वस्त मंडळींनी केलं आहे.
