महाग्रामीण नवचेतना संवाद यात्रेचे हिमायतनगरात भव्य स्वागत
हिमायतनगर प्रतिनिधी नागेश शिंदे दि.१९: ग्राहक, शेतकऱ्यांमध्ये विविध योजना, कर्ज आणि अन्य बाबींची जनजागृत्ती करण्याकरिता छत्रपती संभाजी नगर येथून महाराष्ट्र ग्रामीण बँकेची महाग्रामीण नवचेतना संवाद यात्रा हिमायतनगर शहरात दाखल होताच येथील शेतकऱ्यांनी या यात्रेचे जंगी स्वागत केले यावेळी उपस्थित शेतकऱ्यांना मार्गदर्शन करताना महाराष्ट्र ग्रामीण बँकेचे अध्यक्ष मिलिंद घारड यांनी असे सांगितले की शेतकऱ्यांनी 30 जून च्या अगोदर आपले पीक कर्ज भरून शून्य टक्के व्याज दराचा फायदा घ्यावा असे उपस्थिताना मार्गदर्शन करतांना सांगितले
कार्यक्रमाच्या सुरवातीला उपस्थित मान्यवरानी थोर समाज सुधारक व भारत मातेच्या प्रतिमेला पुष्पहार अर्पण करून कार्यक्रमाची सुरवात केली कार्यक्रमाच्या अध्यक्षस्थानी महाराष्ट्र ग्रामीण बँकेचे अध्यक्ष मिलिंद घारड हे होते. यासह बँकेचे सहव्यवस्थापक सुहातकुमार ,सह व्यवस्थापक श्री वानखेडे व शाखा व्यवस्थापक हूमने तर प्रमुख पाहुणे म्हणून हिमायतनगर पंचायत समितीचे उपसभापती श्री वामनराव वानखेडे सरपंच प्रतिनिधी प्रल्हाद पाटील टेंभुर्णीकर महिला प्रतिनिधी म्हणून परमेश्वर संस्थांच्या संचालिका लताताई पाध्ये मॅडम यांची उपस्थिती लाभली होती. महाराष्ट्र ग्रामीण बँक ही मराठवाडा विभागातील संपूर्ण सरकारी मालकीची एक अग्रगण्य बँक आहे या बँकेमार्फत शेतकरी,महिला बचत गट, व्यापारी व उद्योजक, व्यावसायीक, गृह व व्यक्तिगत कर्ज वाटप केले जाते. शेतकरी, लाभार्थी, ग्राहक यांना माहिती मिळावी माहिती व जनसंपर्क राहवा यासाठी महाराष्ट्र ग्रामीण बँक मराठवाडा विभागातील सर्व जिल्ह्यांतून तब्बल ५० कार्यक्रम घेत ही महाग्रामीण नवचेतना संवाद यात्रा दिनांक 5 जून जागतिक पर्यावरण दिनाचे औचित्य साधून छत्रपती संभाजी नगर येथून दोन वेगवेगळ्या मार्गांनी हिमायतनगर शहरात दि 13 जून रोजी श्री परमेश्वर मंदिर येथे पोहचली या यात्रेतून बँक डिजिटलायझेशन बाबत उपस्थित शेतकऱ्यांना व ग्रामीण भागातील नागरिकांना माहिती देण्यात आली त्यानंतर नियमित कर्जदारांचा बँकेचे अध्यक्ष श्री मिलिंद घारड यांच्या हस्ते सत्कार करण्यात आला व वित्तीय साक्षरता, एटीएम वापर, मोबाईल बँकिंग, सामाजिक सुरक्षा योजना याबाबत जनजागृती अशा असंख्य विषयावर अध्यक्ष मिलिंद घारड यांनी उपस्थित शेतकऱ्यांना मार्गदर्शन करून ही बँक शेतकऱ्यांच्या प्रगतीसाठी एक तत्पर बँक आहे असे मत त्यांनी यावेळी मांडले हा कार्यक्रम यशस्वी करण्यासाठी हिमायतनगर येथील महाराष्ट्र ग्रामीण बँकेचे शाखा व्यवस्थापक शुभम हुमणे यांनी अथक परिश्रम घेऊन हा कार्यक्रम यशस्वीरित्या संपन्न केला…. यावेळी पळसपुर, खडकी, घारापुर, वारगटाकळी, टेंभुर्णी सह आदी भागातील असंख्य शेतकरी मोठ्या संख्येने उपस्थित होते..
#सत्यप्रभा न्युज #नांदेड #हिमायतनगर