हिमायतनगर प्रतिनिधी नागेश शिंदे /- आई- वडिलांचा मान करणाऱ्यांचे जग सुद्धा सन्मान करते त्यामुळे मी माझ्या ज्ञानेश्वरी कथेमधून 24 वर्षाचे तप अभ्यासाचे ज्ञान जगातील शेवटच्या घटकापर्यंत पोहोचण्यासाठी अहोरात्र काम करत आहे आणि आजच्या ग्रामीण भागातील तरुण पिढीने व्यसनापासून दूर राहून पहा त्यांचा परिवार सुखी समाधानी होईल असा उपदेश ज्ञानेश्वरी प्रवक्ते ह.भ.प. श्री अर्जुन महाराज खाडे आळंदीकर यांनी केला
हिमायतनगर तालुक्यातील मौजे वाळकेवाडी येथे दि 22 -23 फेब्रुवारी दरम्यान श्री. गुरू समर्थ रामबापू मेटकर महाराज संस्थान मंदिराचा कलशारोहण सोहळा व अखंड हरिनाम सप्ताह निमित्ताने चौथ्या दिवशीचे ज्ञानेश्वरीचे किर्तन ह.भ.प.अर्जुन महाराज खाडे आळंदीकर यांचे झाले त्या किर्तनसेवेत बोलतांना महाराजांनी उपस्थित भाविक भक्तांना उपदेश करताना असे सांगितले की जो आज समाजामध्ये आई-वडिलांची सेवा करेल त्यांचा मान राखेल जग त्यांचा मान सन्मान करेल त्याचप्रमाणे आजच्या तरुण पिढीने व्यसनापासून दूर राहून पहा तुमचा परिवार सुखी आणि समाधानी राहील असे अनमोल जीवन मंत्र सांगत या आपल्या आयुष्याचा स्वःताच्या हाताने नाश करू नका. या जीवनाचे सार्थक करण्यासाठी आपले चित्त शुद्ध ठेवा, एकाग्र मन करुन भगवंताचे चिंतन करा, जीवनाचे, नरदेहाचे सार्थक होईल असे ज्ञानेश्वरी प्रवक्ते -ह.भ.प.श्री अर्जुन महाराज खाडे आळंदीकर यांनी सांगितले या किर्तनसेवेत ह.भ.प. सौ.गीताताई महाराज खाडे (भांगे) , ह.भ.प. श्री मुगुट महाराज धायगुडे सह तबलावादक सचिन बोपिलवार, शिवप्रसाद डोरले सह येथील भजनी मंडळांनी त्यांना साथ दिली यावेळी हिमायतनगर येथील श्री परमेश्वर मंदिर देवस्थान ट्रस्ट कमिटीचे उपाध्यक्ष महावीर शेठ श्रीश्रीमाळ सह पंचक्रोशीतून आलेले भाविक भक्त व दुधड वाळकेवाडी येथील ग्रामस्थ मोठ्या संख्येने उपस्थित होते.