नांदेड दि.१८: नांदेड वाघाळा शहर महानगरपालिका नांदेड अंतर्गत विशेष कर वसुली मोहीम राबविण्यात येत आहे. तसेच ३१ जानेवारी २०२४ पर्यंत ४० टक्के शास्ती माफी योजना लागु असुन. त्यानुसार जास्तीत जास्त मालमत्ता धारकांकडुन कर संकलन करुन वसुलीचे उद्दीष्टे १०० टक्के पुर्ण करण्याचे आदेश आयुक्त तथा प्रशासक डॉ. महेशकुमार डोईफोडे व अतिरिक्त आयुक्त गिरीश कदम यांनी दिलेले आहेत. त्यानुसार उपायुक्त (महसुल) डॉ.पंजाब खानसोळे यांनी सर्व क्षेत्रिय कार्यालयांना थकबाकीदार यांच्याकडुन कर वसुली करावी व कर भरण्यास नकार दिल्यास जप्तीची कार्यवाही करण्याच्या सुचना दिलेल्या आहेत.
आज दिनांक १८ जानेवारी २०२४ रोजी क्षेत्रीय कार्यालय शिवाजीनगर अंतर्गत मालमत्ता धारक क्र.१- ८-३२६ या मालमत्ता धारकांकडुन करापोटी मालमत्ता कराची रक्कम येणे बाकी होती. परंतु कराची रक्कम भरण्यासाठी असमर्थता दर्शविल्यामुळे संबंधित मालमत्ता मालमत्ता धारकाची ड्रेनेज जोडणी बंद करण्यात आली असुन व मालमत्ता क्र.१-८-२५६ या मालमत्ता धारकांकडे मालमत्ता कर व पाणी कर थकबाकी असल्यामुळे संबंधिताचे नळ व ड्रेनेज जोडणी बंद करण्यात आले. व मालमत्ता क्र.१-८-३४५ या मालमत्ता धारकाची ड्रेनेज जोडणी बंद करण्यात आली आहे. तसेच मालमत्ता क्र, १-३-३४४ या मालमत्ता धारकांने मालमत्ता कर व पाणी कर न भरल्याने संबधिताचे नळ जोडणी खंडीत करण्यात आले आहे. ही कार्यवाही क्षेत्रिय अधिकारी रमेश चवरे, यांच्या नियंत्रनाखाली कर निरीक्षक पुरुषोल्लम कमतगीकर, वसुली लिपिक विजय मोडके, व विशेष वसुली पथकातील कर्मचारी मयुर पारीख, विशाल राजभोज, राहुल पवार यांनी पार पाडली आहे.
तसेच क्षेत्रिय कार्यालय वजिराबाद अंतर्गत मालमत्ता क्र.३-४-१२५ मालमत्ता कर व पाणी कर रु.८४,३२७/-करापोटी मालमत्ता कराची रक्कम येणे बाकी होती. परंतु थकीत कराची रक्कम भरणा करण्यास संबधित मालमत्ता धारकाने असमर्थता दर्शविल्यामुळे संबंधिताची नळ जोडणी खंडीत करण्यात आले आहे. सदरची कार्यवाही क्षेत्रिय अधिकारी संजय जाधव यांच्या नियंत्रनाखाली कार्यालय अधिक्षक गौतम कवडे, वसुली पर्यवेक्षक अझहर अली, वसुली लिपीक लखन कुंटे, व विषेश वसुली पथकातील कर्मचारी मिलिंद वाघमारे, शुभम कागडा, राहुल पाईकराव, अभिजित हिवरे यांनी संयुक्तपणे कार्यवाही केली.
महानगरपालिका हद्दीतील मालमत्ता धारकांनी आपल्या मालमत्तेचा चालु व थकीत कराचा भरणा करुन महानगरपालिकेस सहकार्य करावे व जप्तीसारखी अप्रिय घटना टाळावी, असे आवाहन उपायुक्त (महसुल) डॉ.पंजाब खानसोळे यांनी केले आहे.
#सत्यप्रभा न्युज #नांदेड