हिमायतनगर प्रतिनिधी नागेश शिंदे/-महाराष्ट्र काँग्रेसकडून राज्यभरात जनसंवाद यात्रेचे आयोजन करण्यात आले असुन हि यात्रा किनवट मार्गे हिमायतनगर येथे येणार आहे त्यासाठी कांग्रेस पक्षाच्या जास्तीत जास्त कार्यकर्त्यांनी आप आपली जबाबदारी स्विकारून कामाला लागावे असे आवाहन हदगाव हिमायतनगर तालुक्याचे लोकप्रिय आमदार माधवराव पाटील जवळगावकर यांनी उपस्थित कार्यकर्त्यांना केले आहे.
हिमायतनगर येथे शहरातील कांग्रेस पक्षाच्या कार्यकर्त्यांची आ. माधवराव पाटील जवळगावकर यांच्या उपस्थितीत सोमवारी एक बैठक घेण्यात आली. या बैठकीत महाराष्ट्र काँग्रेसकडून राज्यभरात जनसंवाद यात्रेचं आयोजन करण्यात आले असुन हि जनसंवाद यात्रा दि 3 सप्टेंबर रोजी किनवट मार्गे हिमायतनगर येथे येणार आहे. शहरात यात्रा रुट मार्गे आणि सभेचे नियोजनाची जबाबदारी कांग्रेस पक्षाच्या कार्यकर्त्ये पदाधिकारी यांच्यावर सोपविण्यात आली आहे. या यात्रेच्या निमित्ताने शहरात दि 3 सप्टेंबर रोजी सायकाळी श्री परमेश्वर मंदिर बस स्टँड परिसरात सभा आयोजित केली जाणार आहे या सभेसाठी माजी मुख्यमंत्री कांग्रेस नेते अशोक चव्हाण यांच्या सह कांग्रेस नेते उपस्थित राहणार आहेत. याकरीता शहरासह ग्रामीण भागातील कांग्रेस पदाधिकारी यांच्याशी चर्चा करून या यात्रेच्या भव्य काँग्रेस कार्यकर्त्यानी स्वागताची तयारी करावी असे आवाहन आ. माधवराव पाटील जवळगावकर यांनी बैठकीत केले आहे. यावेळी माजी जिल्हा परिषद सदस्य सुभाष राठोड,काँग्रेस तालुका अध्यक्ष गजानन सूर्यवंशी,कृषी उत्पन्न बाजार समितीचे माजी संचालक रफिक भाई,प्रथम नगराध्यक्ष अ. अखिल भाई,शहर अध्यक्ष संजय माने,ज्ञानेश्वर शिंदे, फेरोज खान, काईतवाड, खालीद भाई बाळू पाटील, डॉ .गफार यांच्यासह असंख्य कांग्रेस कार्यकर्ते उपस्थित होते
