इरसालवाडी दुर्घटनेत मृतांचा आकडा 16 वर

राज्यात झालेल्या मुसळधार पावसाने सर्वत्र हाहाकार माजवला आहे. रायगड जिल्ह्यातील खालापूरजवळील इर्शाळवाडी दुर्घटनेत मृतांचा आकडा १३ वर पोहोचला असून या दुर्घटनेत आतापर्यंत ५७ जणांना वाचवण्यात यश आलं असल्याची माहिती आहे. दरम्यान, बेपत्ता लोकांचा शोध घेतला जात आहे. अशात राज्याचे मुख्यमंत्री एकनाथ शिंदे, गिरीश महाजन, दादा भुसे, मदत पुनर्वसनमंत्री अनिल पाटील आणि विधानपरिषदेचे विरोधीपक्षनेते अंबादास दानवे यांनी घटनास्थळी धाव घेत गावकऱ्यांना धीर देण्याचा प्रयत्न केला.
रात्रीच्या अंधारात डोंगराच्या दरडीखाली हे गाव दबले गेल्याने अनेकांना काही कळण्याआधीच दुर्दैवाने मृत्यूने गाठलं. यामध्ये मृतांच्या नावांची यादी समोर आली असून १३ जणांनी आपला जीव गमावला आहे तर ६ जणांवर रुग्णालयात उपचार सुरू आहेत.

इर्शाळवाडी आपत्ती दुर्घटना माहिती👇

◾️ मयत इसमांची नावे

१) रमेश हरी भवर, वय: २६ वर्षे

२) जयश्री रमेश भवर, वय: २ वर्षे

३) रूद्रा रमेश भवर, वय: १ वर्ष

४) विनोद भगवान भवर, वय: ४ वर्षे

५) जिजा भगवान भवर, वय: ३६ वर्षे

६) अंबी बाळु पारधी, वय: ४५ वर्षे

७) बाळु नामा पारधी, वय: ५२ वर्षे

८) सुमित भास्कर पारधी, वय: ३ वर्षे

९) सुदाम तुकाराम पारधी, वय: १८वर्षे

१०) दामा भवर, वय: ४० वर्षे

११) चंद्रकांत किसन वाघ, वय १८ वर्षे

१२) राधी रामा भवर, वय: ३७ वर्षे

१३) बाळी नामा भुतांब्रा, वय: ७०वर्षे

◾️ जखमी इसमांची नावे👇

१) प्रविण पांडुरंग पारधी, वय: २१वर्षे

२) यशवंत राघो डोरे, वय: ३७ वर्षे

३) रामी रामु पारधी, वय: ७७ वर्षे

४) कमली महादु पारधी, वय ५० वर्षे

५) भगवान हरी भवर, वय: २५वर्षे

६) मनिषा यशवंत डोरे, वय ३५ वर्षे

या दुर्घटनेनंतर आधीच इर्शाळवाडी गावकऱ्यांचे सुरक्षितस्थळी स्थलांतर का केले नाही? असे प्रश्न उपस्थित झाल्यानंतर मुख्यमंत्री एकनाथ शिंदे यावर स्पष्टीकरण दिले. मुख्यमंत्री म्हणाले की, या गावाचा समावेश दरडग्रस्तप्रवण क्षेत्रात नव्हता. तसेच जवळपास ४७ कुटुंब या गावात राहत होती. दरड कोसळल्याने १६ ते १७ घरे या ढिगाऱ्याखाली गाडली गेली. # सत्यप्रभा न्यूज # नांदेड