3 मिनिटांत लांबवली साडेतीन लाखांची बॅग, मुकुंदवाडी ते सिडको बसस्थानकादरम्यानची घटना

छत्रपती संभाजी नगर विजय पाटील दि २३: छत्रपती संभाजी नगर : महिला प्रवाशाचे रिक्षातून साडेतीन लाख रुपयांचे दागिने चोरीला गेले आहे. ही घटना मुकुंदवाडीजवळील सोहम मोटर्सपासून सिडको बसस्थानकापर्यंतच्या अवघ्या 3 मिनिटांच्या प्रवासात ही घटना घडली. सिडको पोलिसांनी चोरट्याविरुद्ध गुन्हा दाखल केला आहे.
शांताबाई नरवडे (रा. विहामांडवा, ता. पैठण) यांची मुलगी मुकुंदवाडी भागात राहते. त्या मुलीकडे आल्या होत्या. परत घरी जाण्यासाठी सिडको बसस्थानकाकडे रिक्षाने निघाल्या. सिडको बस्थानकावर उतरताच सोने असलेली हॅन्डबॅग रिक्षातून चोरीला गेल्याचे त्यांच्या लक्षात आले. बॅगमध्ये एक गंठण, कानातील झुंबरही होते. शांताबाईंनी सिडको पोलीस ठाणे गाठून तक्रार दिली. अधिक तपास केला जात आहे. अवघ्या 3 मिनिटांत चोरट्याने डाव साधल्याने शांताबाई हैराण झाल्या.
#सत्यप्रभा न्यूज # छत्रपती संभाजी नगर