पोलीस अधिक्षक कार्यालयात माजी पंतप्रधान राजीव गांधी यांना अभिवादन

नांदेड: भारताचे माजी पंतप्रधान राजीव गांधी यांची जयंती पोलीस अधिक्षक कार्यालयात साजरी करण्यात आली तसेच सदभावना दिवसाची प्रतिज्ञा सर्वांनी घेतली.
पोलीस अधिक्षक श्रीकृष्ण कोकाटे यांच्या मार्गदर्शनात अपर पोलीस अधिक्षक अबिनाशकुमार, गृहपोलीस उपअधिक्षक डॉ.अश्र्विनी जगताप यांनी आज माजी पंतप्रधान राजीव गांधी यांच्या प्रतिमेस पुष्पहार अर्पण करून त्यांना अभिवादन केले. तथा डॉ.अश्विनी जगताप यांनी सदभावना दिवसाची प्रतिज्ञा वाचली. त्या मागे सर्वांनी त् याचा पुर्नउच्चार केला. सदभावना दिवसाच्या प्रतिज्ञा वाचना दिन रविवार 20 ऑगस्ट रोजी येत असल्यामुळे सामुहिक प्रतिज्ञेचे वाचन आज 18 ऑगस्ट रोजी घेण्यात आले. याप्रसंगी स्थानिक गुन्हा शाखेचे पोलीस निरिक्षक द्वारकादास चिखलीकर, जनसंपर्क अधिकारी सहाय्यक पोलीस निरिक्षक शिवाजी लष्करे यांच्यासह पोलीस अधिक्षक कार्यालयातील सर्व विभागांचे अधिकारी, पोलीस अंमलदार मंत्रालयीन अधिकारी व कर्मचारी या सर्वांनी राजीव गांधींना अभिवादन करून सदभावना दिवसाच्या सामुहिक प्रतिज्ञेचे वाचन केले. या कार्यक्रमाचे आयोजन सहाय्यक पोलीस उपनिरिक्षक सुर्यभान कागणे आणि शामका पवार यांनी केले. #सत्यप्रभा न्यूज #नांदेड