मुंबई: ठाणे येथील उपायुक्त कार्यालयाने नवी मुंबई पोलिसांच्या अनैतिक मानवी वाहतूक प्रतिबंधक कक्षाच्या मदतीने सीवूड्समधील सीवूड्स फॅमिली डायनिंग ॲन्ड बारवर छापा मारून एका बालकामगाराची सुटका केली. तसेच, या बालकामगाराला कमी वेतनात अतिश्रमाचे काम देऊन त्याला राबवून घेणाऱ्या हॉटेलमालक व मॅनेजर या दोघांविरोधात गुन्हा दाखल करून पुढील कार्यवाही सुरू केली आहे. काय आहे प्रकरण?
सीवूड्समधील या बारमध्ये बालकामगाराला कामावर ठेवून त्याच्याकडून अतिश्रमाचे काम करवून घेण्यात येत असल्याची माहिती ठाणे येथील कामगार उपायुक्तांना मिळाली होती. या माहितीच्या आधारे एपीएमसीतील दुकाने निरीक्षक सुनील आव्हाड यांनी अनैतिक मानवी वाहतूक प्रतिबंधक कक्षाच्या मदतीने छापा मारला. यावेळी हॉटेलमध्ये १७ वर्षीय मुलगा काम करत असल्याचे निदर्शनास आले. त्यानंतर मुलाची सुटका करून बारमधील अल्पवयीन मुलाला मागील काही महिन्यांपासून केवळ १० हजार रुपयांमध्ये कामाला ठेवून राबवून घेत असल्याचे आढळून आले. त्यामुळे बारचा मालक रमेश वर्मा व बारचा मॅनेजर शेखर कोरगा शेट्टी या दोघांविरोधात एनआरआय पोलिस ठाण्यात गुन्हा दाखल करण्यात आला आहे. #सत्यप्रभा न्यूज # नांदेड